Damweiniau ac anafiadau

Rydym i gyd yn cael damweiniau neu’n niweidio’n hunain o bryd i’w gilydd ond wyddoch chi y gallech chi gymryd rhai camau bychain i helpu i leihau'r risg o gael damwain neu anaf.

Teleofal

FFAITH: Yn 2002, fe gafodd dros 230,000 o bobl y DU eu hanafu wrth wneud gwelliannau i’w cartrefi.

Oes ganddo’ch chi ffrind neu berthynas a all gael budd o gefnogaeth technoleg gynorthwyol i’w helpu i deimlo’n saffach yn eu cartrefi a’u galluogi i fyw bywyd annibynnol?

Am fwy o wybodaeth am wasanaeth Teleofal Gwynedd darllenwch y daflen yma.

Diogelwch Tan

Gall tan ddechrau yn hawdd iawn a lledaenu gyda chyflymder dychrynllyd.

Bob blwyddyn yn y Deyrnas Unedig, mae dros 68,000 o danau yng nghartrefi pobl, gan arwain at 400 o farwolaethau a 13,800 o anafiadau.

Er mwyn gofyn am Archwiliad Diogelwch Tân yn y Cartref yn rhad ac am ddim neu i gael rhagor o wybodaeth am ddiogelwch tân ffoniwch yr Adran Diogelwch Tân Cymunedol ar 01492 592 987 neu anfonwch e-bost.

Gwasanaeth Tân ac Achub Gogledd Cymru.

Damweiniau yn y Cartref

Mae rhyw 2.8 miliwn o ddamweiniau yn y cartref bob blwyddyn pan fo'r dioddefwr yn mynd i'r Uned Ddamweiniau am driniaeth.

Mae dros 40% o holl anafiadau damweiniol i blant yn digwydd yn y cartref a'r ardd. Syrthio yw'r achos mwyaf cyffredin o anafiadau damweiniol yn y cartref.

Mae peryglon posibl ym mhob cartref, megis dŵr poeth, cemegau domestig, grisiau, lle tân, matsis, alcohol a phethau pigog a miniog fel cyllyll a siswrn.

Gall y canlynol helpu rhwystro damweiniau i blant trwy wneud y cartref yn lle diogelach iddynt:

Syrthio

• Gosod gatiau diogelwch ar dop a gwaelod grisiau
• Archwilio rheiliau banister neu falconi i sicrhau na fedr plant ddringo arnynt neu syrthio trwyddynt
• Cadw dodrefn i ffwrdd o'r ffenestri
• Glanhau arllwysiadau wrth iddyn nhw ddigwydd i rwystro llithro
• Sicrhau carpedi a matiau rhydd a pheidio â chael ceblau sy'n llusgo

Llosgi a Sgaldio

• Gosod larymau mwg a'u harchwilio'n rheolaidd i sicrhau eu bod yn gweithio
• Cadw plant i ffwrdd oddi wrth boptai, pentan a chylchoedd trydan
• Troi handlenni i ffwrdd tuag at gefn y stôf a defnyddio'r cylchoedd cefn ar gyfer coginio ble bynnag y bo modd
• Diffodd yr haearn ar unwaith ar ôl ei ddefnyddio a pheidio â gadael y cebl yn hongian
• Cadw matsis a thanwyr o'r golwg ac allan o gyrraedd plant bach

Gwenwyno

• Cadwch holl feddyginiaeth o'r golwg ac allan o gyrraedd plant – cwpwrdd dan glo fyddai orau
• Cadwch holl sylweddau peryglus yn y cynhwysydd gwreiddiol
• Cofiwch y gall persawr, olewau persawrus ac alcohol fod yn wenwyn i blant